金針菜又名「忘憂草」，係一種營養極高嘅藥食同源食材。中醫認為其性平味甘，具備養血平肝、解鬱安神及利尿消腫功效。金針菜富含蛋白質、鐵質、多種氨基酸及維生素，特別適合失眠、心情鬱悶、貧血或產後乳汁不足人士食用。其豐富嘅卵磷脂更有助於健腦抗衰老、增強記憶力。金針菜口感脆滑爽口，能為湯水增添天然嘅清甜鮮味。